Մասնակցեք գրաֆիկական ինտերֆեյսի (GUI) դիզայնի ծրագրին

 

Վերջին տարիներին սմարթֆոններն ու մոբայլ հավելվածները դարձել են առօրյա կյանքի անբաժանելի մաս: Ցանկացած հավելվածի կարևորագույն բաղկացուցիչը ինտերֆեյսն է: Հավելվածի ինտերֆեյսի դժվար կառավարելիության դեպքում օգտատերը կանտեսի այն:   Հավելվածի գրաֆիկական ինտերֆեյսի կառուցվածքը և դիզայնը պետք է համապատասխանեն այսօրվա օգտատիրոջ պահանջներին:
Էմլաբ ԵԿԱ-ն առաջարկում է երեք ամիս տևողությամբ գրաֆիկական ինտերֆեյսի (Graphic User Interface) դիզայնի համապարփակ ծրագիր, որը ներառում է ինտերֆեյսի նախագծման հիմնական սկզբունքները: Ծրագիրը ներառում է ոչ միայն անհրաժեշտ համակարգչային ծրագրերի վերապատրաստման դասընթացներ, այլև իրական նախագծերի ստեղծում, համագործակցություն Էմլաբի այլ ծրագրերի մասնակից պրակտիկանտների հետ, ինչպես նաև սեմինարներ հայ առաջատար և փորձառու գրաֆիկական դիզայներների մասնակցությամբ:
Մասնակիցները հնարավորություն կունենան սովորել գրաֆիկական ինտերֆեյսի դիզայնի առանձնահատկությունները,  ուսումնասիրել հաջող գրաֆիկական ինտերֆեյսի օրինակներ, վերլուծել ոլորտի ընթացիկ զարգացումները  և ստեղծել դիզայնի իրենց անհատական նմուշները:
Ծրագրի տևողությունն է 12 շաբաթ (3 ամիս) և կազմված է երեք փուլից`
1.     Վերապատրաստում` հիմնարար գիտելիքների ձեռքբերում (5 շաբաթ)
2.    Պրակտիկա` ձեռքբերված գիտելիքների կիրառում (3 շաբաթ)
3.    Իրական նախագծի դիզայնի մշակում (4 շաբաթ)

Ծրագրի մեկնարկը` հունիսի 15-ից:
Ամբողջ ծրագրի արժեքը կազմում է 60.000 դրամ, որը պետք է վճարվի ծրագրի սկզբում կամ ամսական կտրվածքով:
Հետաքրքրված թեկնածուները կարող են ուղարկել իրենց CV-ները info@mlab.am էլեկտրոնային հասցեին: Նամակի վերնագրում խնդրում ենք նշել Design Program: